އަޅުގަނޑަކީ 1992 ވަނައަހަރުން ފެށިގެން ތަޢުލީމީ ދާއިރާގައި މެދުކެނޑުމެއްނެތި ދިވެހި ޓީޗަރެއްގެ ގޮތުގައި މަސައްކަތް ކުރަމުން އަންނަމީހަކީމެވެ. އަޅުގަނޑު ކިޔަވައިދެނީ ގްރޭޑް 9 އަދި 10 ގެ ދިވެހި މާއްދާއެވެ. ލިޔުންތެރިކަމާއި ނޫސްވެރިކަމަކީ އަޅުގަނޑު އެންމެ ގަޔާވާ ދާއިރާއެވެ. ދިވެހި ޤައުމީ ޔުނިވަރސިޓީއިން ދިވެހި ޑިގްރީ ނިންމުމަށްފަހު މިހާރު ދިވެހި މާސްޓަރއަށް އަޅުގަނޑު ކިޔަވަނީއެވެ.

ޑޮކްޓަރ އާމިނަތު ޝާފިޔާ އާދަމް އެވެ. ޑޮކްޓަރ އާމިނަތު ޝާފިޔާ އާދަމް އަކީ ނިއުޒިލޭންޑްގެ ވައިކަޓޯ ޔުނިވަރސިޓީއިން ޕީއެޗްޑީ ހާޞިލު ކުރައްވާފައިވާ ދާރިސެކެވެ. މިހާރު ޝާފިޔާ މަސައްކަތް ކުރައްވަނީ ގައުމީ ޔުނިވަރސިޓީގެ އެސިސްޓެންޓް ޕްރޮފެސަރގެ މަޤާމުގައެވެ. ޝާފިޔާ އަކީ މުދައްރިސުން ތަމުރީނު ކުރުމުގެ ދާއިރާގެ އިތުުރުން ކިޔަވައިދިނުމާއި އުގަންނައިދިނުމާ ގުޅޭ ގޮތުން އިނގިރޭސި ބަހުންނާއި ދިވެހިބަހުން ވަރަށް ގިނައިން ލިޔުއްވާ ބޭފުޅެކެވެ. މިގޮތުން ލިޔުއްވާ ދާއިރާތަކުގެ ތެރޭގައި ހިމެނެނީ ކިޔަވައިދިނުން ހަރުދަނާކުރުމާއި، ކިޔަވައިދިނުމުގައި ޓެކްނޮލޮޖީ ބޭނުން ކުރުމާއި، ދަރިވަރުންގެ އުނގެނުން ތަރައްގީ ކުރެވޭނެ ގޮތްތަކާއި އަދި ދިރާސާ ކުުރުމުގެ މަސައްކަތުގެ ދާއިރާތަކެވެ.

މި "ޕޯޓްފޯލިއޯ ވެބްސައިޓް" އަކީ މާސްޓަރސް އޮފް ޓީޗިންގ ޕްރޮގްރާމުގައި، ކިޔެވުމަށް ހަމަޖެހިފައިވާ މޮޑިއުލްތަކުގެ ތެރޭގައި ހިމެނޭ "އިންފޮމޭޝަން ޓެކްނޮލޮޖީ އިން އެޑިޔުކޭޝަން" މިމާއްދާއިން ޙަވާލުކުރެވުނު މުހިންމު މަސައްކަތެކެވެ. އަދި މިތައްޔާރު ކުރެވުނު ޕޯޓްފޯލިއޯ ވެބްސައިޓުގައި ކްލާހުގައި ކުރެވިފައިވާ މަސައްކަތްތައް އަޕްލޯޑްކޮށް ލިންކް ކުރުމުގެ އިތުރުން އެއިން ކޮންމެ މަސައްކަތަކާ ބެހޭގޮތުން ކުރު ތަޢާރަފެއް ލިޔެވިފައިވާނެއެވެ އަޅުގަނޑު ދެކޭގޮތުގައި، މިފަދަ ވެބްސައިޓްތައް ހެދުމުގެ މިމަސައްކަތަކީ ވަރަށް މުހިއްމު މަސައްކަތެކެވެ. އޭގެ އެންމެބޮޑު އެއް ފައިދާއަކީ ކްލާހުގައި ކުރެވޭ މަސައްކަތްތައް ރައްކާތެރިކަމާއެކު މުސްތަޤްބަލަށްޓަކައި މުހިންމު ރިސޯސެއްގެ ގޮތުގައި އަބަދާއަބަދު އަތްފޯރާ ހިސާބުގައި ފަސޭހަކަމާއެކު ބަލައިލެވޭގޮތަށް އަޕްލޯޑްކޮށްފައި ބެހެއްޓުމެވެ. އޭގެ އިތުރުން މިފަދަ މަސައްކަތެއްގެ ސަބަބުން ވެބްސައިޓާއި، ބްލޮގް ހެދުމާބެހޭގޮތުން ކުރިން އެނގިފައި ނުވާ ކިތައްމެ ކަމެއް އެނގުމަށް މަގުފަހިވެގެން ދާނެތީއެވެ. މިފަދަ ބްލޮގެއްގައި ކުރެވޭ މަސައްކަތްތައް އެއްތަނަކުން ފެންނަން ހުރުމަކީ ލިބިގެންދާނެ ވަރަށް ބޮޑު ފަސޭހައަކަށްވާނެކަން ޔަޤީނެވެ.